وینە.. دڵنگ کوردی لە مەکتەوەیل هەولێر

سەفین حسێن وەڕیەوبەر یەکیگ لە مەکتەوەیل هەولێر ک ئاهەنگ کردنە، ئەرا ئاژانس شەفەق نیوز وت: ئی ئاهەنگە وە بوونەی رووژ دڵنگ کوردیە، ک خوەنەوارەیل لە کوڕ و دویەت دڵنگ کوردی پووشن، و ئی ئاهەنگە ئەرا بتەوکردن کەلتور کوردی لەلای خوەنەوارەیل تیەێد ئەرا مقیەتیکردن میراتی گەل کورد.

 لەلای خوەییش، خانمە مامووستا نورهان عەبدولڵا وت: ئی ئاهەنگە وەشیوەیگ ساڵانە لەی رووژە وە دڵنگ کوردی کریەێد و ناسانن کەلتور هەرێم کوردستان و دڵنگ کوردەواریی وەو گەلەیل، وەگەرد هوکارەکردن خوەنەوارەیل وەی کەلتورە ئەرا نەهیشتن فەوتیانی.

بڕیگ لە چالاکیەیل لەناو ئی ئاهەنگە وەڕیەو چگ، جویر هەڵپەڕکەی کوردی و بەرزکردن ئاڵای هەرێم کوردستان وەگەرد خواردنەیل کوردەواری.