وێنە.. دەسوەبانان نزیکەی ١٠٠ کێلوگڕام لە مادە هووشبەرەگان لە سلێمانی
2020-12-06T11:59:39+00:00
شەفەق نیوز/ وەڕێۆبەرایەتی دژە هووشبەرەگان لە پارێزگای سلێمانی، ئمڕوو یەکشەممە، راگەیان دەسگیرکردن کۆمەڵیگ لە بازرگانەیل مادە هووشبەرەگان، و دەسوەبانان ماشینیگ نزیکەی ٩٠ کێلوگڕام لە مادە هووشبەرەگان و پێکەهاتەیل سەرەکی ئەرا دروسکردنی بار کریاگە.
عەمید پشتیوان بەهائەدین وەڕێۆبەر دژە هووشبەرەگان لە کۆنگرەیگ رۆژنامەوانی ئمڕوو ئاژانس شەفەق نیوز ئامادەی بوی وت: لە سەرەتای ئی ساڵە تا ئیسە ٢٥٧ باوەت لێکۆڵینەوەی وەکارهاورەیل وبازرگانەیل هووشبەرەگان دیریمن.
وتیش: ٢٦٢ لەلیان لەماوەی گوزەیشتە دەسگیر کریاگە، و فەرمانەیلیگ جووراجور وەدژیان دەرچگە، و ئاماژە کرد ک ١٣٢ توومەتبار لەلیان ماوەیل زیندانییان تەواو کردن و مەرەقەز کریان.
