وینە.. دەسناین وەبان دەیان "جگارەی ئەلیکترۆنی" لەناو یەکیگ لە مەکتەوەیل سلێمانی
شەفەق نیوز/ دەسەیل هاوبەش لە پارێزگای سلێمانی، ئمڕوو یەکشەممە، دەسنانە بان دەیان "جگارەی ئەلیکترۆنی" لەناو یەکیگ لە مەکتەوەیل پارێزگاگە، و "سوپەر مارکێت"یگ بەسان ک ئەرا فێرخوازەیل فرووشێدەی.
باوەنوری عەبدولڕەحمان ئەندام دەسەگە لە کۆنگرەیگ رووژنامەوانی ئاژانس شەفەق نیوز ئامادەی بوی لە سلێمانی وت: دویای توومارکردن سکاڵا لەلای خاوەن یەکیگ لە فێرخوازەیل لە مەکتەو شەنگ ک خاوەن سوپەر مارکێت "شار دایک" لە شان مەکتەوەگە جگارەی ئەلیکترۆنی فڕووشێدە فێرخوازە ناخاڵەێل مەکتەوەگە، تیمەیلمان ئیوارەی ئمڕوو چینە ئەو سوپەر مارکێتە و لەوەر پێشێلکردن یاسای نەفرووشتن جگارەی ئەلیکترۆنی ئەرا زاڕوو خوار ١٨ ساڵان دوکانەگە بەسیا.
وتیش: دویای بەسیان دوکانەگە، روی وەرەو مەکتەو شەنگ کردیمن، وەهاوکاری وەرد وەڕێەوبەرایەتی مەکتەوەگە و مامووستایل، دەسکردیمنە وەشکین لەناو پۆلەیل، و دەیان لە جگارەی ئەلیکترۆنی پەیا کردیمن ک لەلایەن ئەو سوپەر مارکێتە فڕووشیانەسە فێرخوازەیل.
