وینە...دەسەی چەودێریکرن نرخ لە بازاڕ سلێمانی گەردێد
شەفەق نیوز/ دەسەیگ هاوبەش دانریایە ئەرا چەودێریکردن و وە دۊاچگن لە نرخ و کوالێتی لە پارێزگای سلێمانی سەر وە هەڕێم کوردستان، وە گەردین مەیدانیگ ئەرا چەودێری کردن نرخ و کوالێتی و جۊرەیلە.
دەسە هاوبەشەگە، وەرجە رووژەیل مانگ رەمەزان دەسکردن وە چەودێری و وەدۊاچگن نرخەیل لە بازار سلێمانی و ناوەندەیل بازرگانی، وەگەرد هاتن مانگ رەمەزان چەودێری ئی نرخەیلە کریەێد ک وەرجەیە دانریانە، ئەرا ئەوەگ بزانن جیوەجی رێکارەگان کریەێد.
لە بەیاننامیگ ک لیژنەگە دەریکردیە، رەسیە وە ئاژانس شەفەق نیوز دیاری کەێد، ئی دەسە" وە هۊردی چەودێری نرخەیل کەن تا ری نەدرێد لەماوەی مانگ رەمەزان سوود لە هاوڵاتیەیل وەربگرێد.
وتیش، " توەنستنە سەردان زیاتر لە 200 شۊن جیاواز بکەن و دەس وەبان مادەیل خەواوبۊ بنەن، شمارەیگ لە سەرپیچی رزەوکردن نرخ توومار کریایە، بازیکەرەیل نرخەیلە و خاوەن دوکان مادە وەسەرچگەیل رەوانەی لایەنەیل پەیوەندیدار کریانە.
