وینە.. دەسگیرکردن ژنەیلیگ لەو هەولێر دویەتیگ رفاننە وناچار لەشفرووشیی کردنە

شەفەق نیوز/ وەڕێەوبەرایەتی پۆلیس پارێزگای هەولێر پایتەخت هەرێم کوردستان، ئمڕوو پەنجشەممە، خەوەردا لە دەسگیرکردن سێ ژن وە توومەت رفانن دویەتیگ وناچارکردنی وەکارەیلیگ بی رەوشتی.

پۆلیس لە بەیاننامەیگ وت: بەش پۆلیس سەنتەر شارەگە، بنکەی پۆلیس کوردستان، سێ ژن دەسگیر کرد، هەرلە (ژ. ا. س.) و (ژ. خ. م.) و (هـ. خ. م.) وە توومەت رفانن دویەتیگ و گیرهاوردنی لە ماڵیگ لە گەڕەک ماردین (بەش ٥٥).

وەگورەی بەیاننامەگە، ئەو ژنەیلە ناچار دویەتەگە کردنە کار لەشفرووشی بکەێد، ئیجا دانەسەی دەس ژنیگتر وەناو (ت) ک ئەوەیش هەر وەوجیرە وەرد دویەتەگە کردیە، وتیش: دویای دەسگیرکردن ژنەیل، لێکۆڵینەوە وەگورەی مادەی (٣ لەشفرووشی) واز کریا، ودریانە دادوەری.