وێنە..دەسگیرکردن کەسیگ دروشمەیل ریخریاییگ تیرۆرست لە هەرێم هەڵگردگە
2021-02-09T11:59:39+00:00
شەفەق نیوز/ وەڕێۆبەرایەتی ئاسایش لە قەزای شارەزوور لە هەرێم کوردستان، ئمڕوو سێشەممە، راگەیان دەسگیرکردن توومەتباریگ دروشمەیل ریخریاییگ تیرۆرست لە یەکیگ لە ئاوایەگان هەڵگردگە.
وەڕێۆبەرایەتیەگە لە بەیاننامەیگ رەسیە ئاژانس شەفەق نیوز وت: هێزەیل ئاسایش دویای گردەوکردن زانیاریەگان و وەگورەی بڕیار دادوەر، دەسوەسەر (س، م، ق) کردن ک دروشمەیل ئەنسار ئیسلام لە یەکیگ لە ئاوایەیل قەزاگە هەڵکردگە.
وەگورەی بەیاننامەی وەڕێۆبەرایەتیەگە؛ توومەتبارەگە لە لێکۆڵینەوەگان ئاشکرای هەڵگردن ئەو دروشمەیلە کرد، ک کاریگەر وە بەشیگ لە خوتبە توندڕەوەگان بویە ک گووش لەلیان دیاد.
