وینە… دەسکریا وە چوارەمین چالاکیەیل ڤیستیوال "بازاڕکردن" لە هەرێم کوردستان
2023-11-18T08:13:36+00:00
شەفەق نیوز/ شەوەکی ئمڕوو شەممە، لە ئیدارەی ناوچەی "گەرمیان" دەسکرێد وە چوارەمین چالاکیەیل ڤیستیوال "بازاڕکردن".
چالاکیەیل وە ئامادەبوین سەرۆک دەسەی گەشتوگوزار هەرێم ئەمەل جەلال و وەڕێوەبەر گشتی گەشتوگوزار گەرمیان "هێرش فەێزوڵا" و ئامادەبوین شمارەیگ وەرپرس حکومی و حیزبی ناوچەگە دەسوەپیکرد، وە بەشداریکردن خاوەن کارەیل شمارەی فرەیگ لە وەرهەمەیل و پرۆژەیل نمایش کریا.
جەلال لەمیانەی دەسوەپیکردن ڤیستیواڵەگە لە وتاریگ وت، جویر ئی ڤیستیواڵ و چالاکیە جیاوازەیلە بیجگە لە سوودەیل گشتی دارایی کارکەێد لەبان ئەوزەڵدان وە کەرت گەشتوگوزار، شمارەی فرەیگ گەشتیار سەردان "گەرمیان" کەن، هەوەجە کەێد کارێگ هاوشیوە لە وەرزە جیاوازەیل رێکبخریەێد.
چالاکیەیل ڤیستیوالەگە ماوەی شەش رووژ وەردەوام بوود، و زیاتر لە 300 پرۆژە و کۆمپانیا و خاوەن کارەیل بەشداریکردنە، ئیە چوارەم ساڵە کە ئی ڤیستیواڵە لە "گەرمیان" رێکخریەێد.
