وینە.. خوەنەوارەیل زانکۆی گەرمیان لەبان جیوەجینەکردن داوایلیان وەردەوامن لە خوەینشاندان

شەفەق نیوز/ خوەنەوارەیل زانکۆی گەرمیان لە قەزای کەلار و قەزای خانەقین، شەوەکی ئمڕوو یەکشەممە، لەبان جیوەجینەکردن داوایلیان لەلایەن حکومەت هەرێم کوردستان، خوەینشاندان کردن.

پەیامنێر ئاژانس شەفەق نيوز وت: خوەینشانداندەرەیل کۆتایی وە هەفتەی سێیەم خوەینشاندانیان هاوردن، و وەجیهیشتن هۆڵەێل خوەنەواری وەداوای خەرجکردن دەرماڵەی مانگانەی خوەنەوارەیل کۆلیژ ا پەیمانگەیل و کەمکردن خەرج خەرنەواری ئیواران، و خاسەوکردن خزمەتگوزاری لە بەشەیل ناوخوەیی.

وتیش: وەگورەی قسەی خوەنەوارەیل ناڕەزا، تا ئیسە هویج جواویگ لەلایەن وەزارەت خوەنەواری باڵا و توێژینەوەی زانستی لە حکومەت هەرێم کوردستان ئەرایان نەهاتیە، و داویان جیوەجی نەکریاگە.

وتیش: خوەینشاندەرەیل رکدارن لەبان وەردەوامی خوەینشاندان تا وەدەسهاوردن مافەیل شەرعییان.