وێنە.. تەواوکردن ٥٠ لەسەد لە پاکەوکردن ئەڵوەن لە خانەقین

شەفەق نیوز/ وەرپرسیگ حکومەتی لە دیالە، ئمڕوو دووشەممە، راگەیان تەواوکردن زیاتر لە ٥٠% لە پلان پاکەوکردن چەم ئەڵوەن لە گژوگیا و گلەوداین رەنگینی چەمەگە ئەرا سرووشت خوەی.  

موئەیەد شاکر پاشا وەرپرس بەش سامانە ئاویەیلە لە خانەقین ئەرا ئاژانس شەفەق نیوز وت: بڕیارە ٤ و نیم کیلومەتر لە چەمەگە پاک بکریەێد   ک فەرمانگەیل خاسەوکردن پڕۆژەیل ئاویاری و پاکەوکردن چەمەیل جیوەجیی کەن.    

و دیاری کرد ک کارەگە بەشەو بۊیە بان دوو فەرمانگەگە، ٣ کیلومەتر هەر لە پێەڵ سەوز دەسوەپی کەێد تا پێەڵ سەنگی لە دەورگرد خانەقین،  و یەک و نیم کیلومەتر لە وەرپرسایەتی فەرمانگەی پاکەوکردن چەمەیل و زیاتر لە ٥٠% لە هەردوگ کارەگە تەواو بۊیە.