وینە.. کیبڕکیکردن دوو ماشین لە هەولێر رویداو دڵتەزنیگ لەلی کەفێدەو

قسەکەر وەڕیوبەرایەتەگە لە بەیاننامەیگ راگەیان، لە ساعەت  1:30 شەوەکی ئمڕوو ، لە جادەی 120 مەتری دوو ماشین تایبەت لە جویر گۆلف کیبڕکی کردنە ک هەریەکەیان شۆفێر و سەرنشین لەناوی بویە لەی مەوقە  ماشینیگ تویوتا لەبان ری خوەی وە شیوەی ئاسایی چگە.

 ‏ئاشکەرایکرد، لەوەر تونی بەرز یەکیگ لە ماشینە گۆڵفەیل  دەێد لە دویای  تویوتاگە، لەئەنجام ماشینەگە ئاگرگردیە لەدویایش خوەی کیشایە وە ئەو گۆڵفەگەیتر و بویەسە هووکار ئی رویداوە.

وتیش لە ئەنجام رویداوەگە رانندەی تویوتاگە ک بی تاوان بوی لەناو ماشینەگەی سزیاگە و مردیە، هەردگ رانندەی ماشین گۆڵفەیل زەخمداربوینە و یەکیگیان زەخمداریەگەی سەختە  وەگەرد زەرەد رەسانن وە هەرسێ ماشینەگە و ریوبانەگە.