وینە.. ئاگر ١٢ هه‌زار دۆنم لە سلێمانی سزان
شەفەق نیوز/ وەڕێوبەرایەتی پۆلیس دارستان و ژینگە لە پارێزگای سلێمانی، ئمڕوو پەنجشەممە، راگەیان ئاگر فراوانیگ لە سنور ناحیەی سیتەک بڵویزەدا، و بویە هووکار سزانن دەور ١٢ هەزار دۆنەم لە گژوگیا و دارە سروشتیەگان. وەڕێوبەرایەتیەگە ئەرا ئاژانس شەفەق نیوز وت: دویەکە چوارشەممە ئاگر فراوانیگ لە ئاوای شارستینە سەروە سیتەک بویەو، وەکوتپڕ مەفرەزەیل پۆلیس دارستان و ژینگە لە ناحیەگە روی کردنە شوون رووداوەگە. وتیش؛ لەوەر فراوانی ئاگرەگە، و توندی هەواگە لە ناوچەگە، کۆنتڕۆڵ ئاگرەگە نەکریا، تا فراوانەو بوی و رەسیە ئاوایەیل ( بناویلە، وکانی، وکورە، و دوکانیان) ، وئاماژەدا ک مەفرەزەیل بەش پۆلیس دارستان لە ناوچەی شارباژێڕهاتنە دەسمیەتی. بەیاننامەگە دیاریکرد؛ وە دەسمیەتی خەڵک ناحیەگە ودویای هەوڵداین سەختیگ ١٠ ساعەت وەپی چگ، لە ساعەت یەک نیمەڕوو تا ساعەت دەی شەو، توێەنستن ئاگرەگە کپەو بکەن، وتیش: زەرەدەیل ئاگرەگە وە دەور ١٢ هەزار دۆنەم مەزەنە کریەێد.
