وینە.. ئاگر ١٠٠ دۆنەم گژوگیا لە سلێمانی سزنێد
2022-08-18T09:08:27+00:00
شەفەق نیوز/ وەڕێەوبەرایەتی پۆلیس دارسان وژینگە لە پارێزگای سلێمانی، ئمڕوو پەنجشەممە، خەوەردا لە هیزگردن ئاگریگ لە رووبەر ١٠٠ دۆنەم پە زەویەیپ لە ناحیەی سیتەک.
وەڕێەوبەرایەتیەگە لە بەیاننامیگ وت: رویداوەیل ئاگر یەکیگە لەو سیمایلە ک ساڵانە چەن جاریگ دووارەو بوود، ک کپەوکردنی سەختەو و لە خود وەختەگە زەرد فرەیگ وە سروشت و ژینگەی هەرێم کوردستان رەسنێد، ئەراوە ١٠٠ دۆنەم لە گژوگیا لە ناحیەی سیتەک سزیا.
چەن هاووڵاتییگ لە ئاوایەیل بودی وبەزینان باس هیزگردن ئاگر گەورەیگ کردن، و مەفرەزەیل پۆلیس دارسان وە کوتپڕ روی کردنە شوین رویداوەگە و ئاگرەگە کپەو کردن.
