وە مدوو هیزگردن ئاگریگ "سنوردار" نوینەرەیل دیبلۆماسی هۆتێلیگ لە خەزرای بەغداد چووڵەوکردن
2023-09-27T06:21:51+00:00
شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە هیزگردن ئاگریگ کە وە "سنوردار" ناسانێ لە هۆتێل رەشید ناودەوڵەتی لەناوڕاس ناوچەی خەزرا لە بەغدای پایتەخت، دیاریکرد کە وەلایەن گشت میوانەیل نوێنەرەیل دیبلۆماسی چووڵەوکریاگە.
سەرچەوەگە وتیش، دەسڵاتدارەیل پەیوەنیدار بەجەر ئاگر ناو هۆتیلەگە دان کە بویە هوکار چووڵەوکردنی وەلایەن میوان و نوینەرەیل دیبلۆماسی، ئاشکەرایکرد ئاگرەگە سنوورداربویە لەناو چێشتخانە هیزگردیە.
سەرچەوەگە وتیش، کردار چووڵکردنەگە جویر کاریگ رۆتینی ناوبرد و دووپاتکرد میوانەیلە وە سەڵامەتی ئەرا ناو هۆتێل گلەوخواردنە.
