وەفر وارین روی لە کوردستان کەێد

لە بەیاننامەیگ وەڕێوەبەرایەتیەگە رەسیە ئاژانس شەفەق نیوز راگەیان، " ئمڕوو لە وەخت شەوەکی و نیمەڕوو ئاسمان نیمەئەورە، دویای لە نیمەڕوو کاریگەری شەپوولیگ واران وارین  لەبان ناوچەگە دەسوەپی کەێد، سەرەتا واران وارینەگە مامناوەندە دویایی ئاڵشتبوود ئەرا واران قایمیگ بوودە  واران رفتیگلە سنوور پارێزگایەیل هەولێر و دهۆک لە وەخت ئیوارە هاتێ بەڵاچە بوود، لەدیر وەخت شەو کاریگەری شەپوولەگە رەسێدە  پارێزگای سلێمانی و ئیدارەی راپەرین 

فرەترین رێژەی وارین لە  پارێزگاى دهۆک بوود  وەتایبەت (شیلادزێ , ئامێدى ,جەمانکى,ئاکرێ ), هەمیش  زیایبوین تنایی وا لە پارێزگای  هەولێر وسنوور پارێزگاى کەرکووک لە وەختیل دویای نیمەڕوو".

ئاشکەرایکرد، "سوو دووشەممە ئاسمان وە گشتی  ئەورو واراناویە، ئاست وارین (واران رفتیگ و وەردەوام گاجاریگ مامناوەن بوود) لە گشت ناوچە جیاوازەیل، وەگەرد واران وارین شەپوولیگ وەفر وارین روی لە ناوچە کویەیلەی سنووری و لویتکە کویەیل بەرز کەێد، کاریگەری شەپوولەگە لە وەخت شەو کەمەو بوود".

بەرزترین پلەی گەرمی شار و ناوچەیل هەرێم کوردستان :

هەولێر     :  14 پلەى سیلیزى

سلێمانی   : 13 پلەى سیلیزى

دهۆک      : 12  پلەى سیلیزى

کەرکوک   : 16 پلەى سیلیزى

هەڵەبجە   : 15 پلەى سیلیزى

 زاخۆ    :   15 پلەى سیلیزى

گەرمیان  :  19  پلەى سیلیزى

حاج ئۆمەران: 3 پلەى سیلیزى

 سۆران  : 11  پلەى سیلیزى.