وەزارەت تەندروسی هەرێم: کولێرا کەمەوبویە و کۆرۆنا هالە بەرزەوبوین
شەفەق نیوز/ وەزارەت تەندروستی هەرێم کوردستان، ئمڕوو چوارشەممە راگەیان، تووشهاتن وە پەتای كۆلێرا كەمكردیە و شمارەی تووشهاتن وە كۆرۆنا رووی لە بەرزەوبوین کردیە.
ئمڕوو لە گردەوبوینیگ لە دیوان پارێزگای سلێمانی وە ئامادەبوین بریكار وەزارەت تەندروستی، پارێزگار سلێمانی، وەڕێوەبەر گشتیی تەندروستیی سلێمانی، وەڕێوەبەر فەرمانگەی ئاو سلێمانی و نوینەر رێکخریاگ تەندروسی جەهانی لە عراق گردەوبوینیگ وەریەوچی ك باس لە مەترسییەیل پەتای كۆلێرا و ڕێكارەیل مقەیەتیکردن کریا.
لە کۆنگرەیگ رووژنامەوانی د.ڕەهێل فەرەیدون، بریكار وەزارەت تەندروستیی هەرێم کوردستان راگەیان، ئیرەنگە تووشبوین وە كۆلێرا کەمکردیە، باوجی ئەوە مانای نییە ک هاوڵاتیەیل پابەند ڕێنماییەیل نەون.
ئاشكەرایكرد، وەرجە ئەوە شمارەی تووشبویەیل وە كۆرۆنا لە هەرێم كوردستان جێگیربوی، باوجی ماوەی چەن رووژیگە تویشهاتن وە كۆرۆنا زیادكردیە و بایەت هاوڵاتییەیل پابەند وە ڕێنماییەیل تەندروستی بوون و ڤاكسین وەربگرن.
