وەزیر کشتوکاڵی هەرێم هوشداری لە نشانەیل ئاڵشتبوین کەشوهەوا دەێد و داوای گام ستراتیژی کەێد
تاڵەبانی لەناو ئاهەنگ راگەیانن کۆمەڵەی (ئاودێر) ئەرا پەرەپیدان کشتوکاڵی هەرێم کوردستان لە وتاریگ وت: گشت پاڵپشتییگ ئەرا کۆمەڵەگە کەم تا وەرپرسەیل ئەو کۆمەڵە بتوەنن کارەیلیان وە سەرکەفتن ئەنجام بیەن، دەسنشان ئەوە کەم ک ئی کۆمەڵە جیاوازە لەو کۆمەڵەیل چوینکە ئەوانەگ هانە ناوی کەسەیلیگن ئەزموون و زانیاری و توانا دیرن و ئی کۆمەڵە بوودە دەرفەتیگ گەورە ئەرا پشتگیریکردن جفتیار تا خواستەگەی لەڕی پیشەی کشتوکاڵی وەدەس بارێد.
وتیش: "گشت جەنگەیل سیاسیی یەک لەدویای یەک کۆتایی وەپیان تیەێد، بەڵام جەنگ گرانی نرخ خوەراک و کەمییەگەی بوودە بنەمای لەناوبردن کۆمەڵگایل، ئاڵشتبوین کەشوهەوایش لە چەن ساڵ گوزەشتە نوقڵانەی رخبەیگ وەپیمان دەێد، یەیش هیلێدەمان جویر هەرێمیگ و ناوچەیگ کشتوکاڵی بویمنە سەوەتەی خوەراک ئەرا ناوچەگە"، وتیش "بایەتە گام ستراتیژی بنریەێد ئەرا چارەسەرکردن ئی مەترسیەیلە."
