وەزیر پەروەردە راگەینێد پێشکەشکردن چەن پێشنیاریگ لەباوەت هاتنەوەی دەوام لە مەکتەوەگان
شەفەق نیوز/ ئاڵان حەمە سەعید وەزیر پەروەردە لە حکومەت هەرێم کوردستان، ئمڕوو دووشەممە، راگەیان پێشکەشکردن پێشنیارەیل نوویگ لەباوەت سەرەتای ساڵ خوەنستن نوو ئەرا دەسەی باڵای نواگردن ڤایڕۆس کۆڕۆنا، و دووپات کرد ک وەزارەتەگە ئامادەس ئەرا هەر بڕیاریگ لەلایەن دەسەگە.
حەمە سەعید لە کۆنگرەیگ رۆژنامەوانی و پەیامنێر ئاژانس شەفەق نیوز ئامادەی بوی وت: پێشنیارەیلمان ئەرا دەسکرن وە دەوام خوەنستن نوو پێشکەش کردیمن چ لە شەش ئی مانگە یا هەر رووژیگ تر دەسەی باڵای نواگردن ڤایڕۆس کۆڕۆنا پەسەنی بکەێد.
وتیش: بایەدە گووش لە راپۆرت وەزارەت تەندروسی بیەمین وئەو هەڵوێست و میکانزمە ک وەزارەتەگە دانەێدەی، و لە رووشنایی ئەوە دەسەی باڵا بڕیار هاتنەوەی دەوام مەکتەوگان دەێد.
حەمە سەعید وتیش؛ بایەدە نەویشیمن ک ڤایڕۆس کۆڕۆنا تەواو بوی، و بنچینە نووەگەی گورج نییە، و بایەدە لە بڕیارەیلمان پەلە نەکەیمن.
وهەمیش ئاماژە کرد لە چەن پێشنیاریگ لەباوەت هاتنەوەی دەوام مەکتەوگان، و دیاری کرد ک دەوامەگە جوور جارانی نێەتێدەو، و گشت خوەنەوارەگان وەیەک وەخت دەوام نێەکەن.
وتیش؛ تا ئیسە هیچ مەترسییگ لەبان ساڵ خوەنستنەگە نییە،و ئەگەر پلانەگەمان جیوەجی کردیمن، توێنیمن ساڵ خوەنستنەگە تەواو بکەیمن وەبی کەمەوکردن لە بەڕنامەگە، یا کوالیتەگەی.
