وەزیر تەندروسی هەرێم کوردستان دڵنیای خەڵەکەگە لە تەو خوینوەربوین کەێد
2023-07-17T11:28:06+00:00
شەفەق نیوز/ سامان بەرزنجی وەزیر تەندروسی لە حکومەت هەرێم کوردستان، ئمڕوو دووشەممە، دڵنیای خەڵک هەرێم کرد لەباوەت هەڵوێست پەتایی لە بیماری تەو خوەینوەربوین، و دووپات کرد ک هاژیر کۆنتڕۆڵ.
بەرزنجی ئەرا ئاژانس شەفەق نیوز وت: هەڵمەتەیلیگ ئەرا رشانن دەرمان مقیەتیکردن لە بیماری تەو خوینوەربوین هەس، و دیاری کرد ک تا ئیسە کارەگە هاژیر کۆنتڕۆڵ و شمارەی بیمارەیل وەگورەی ئەو پارێزگایل کەمە.
بەرزنجی وتیش: وەزارەتەگە لە ماوەی گوزەشتە ٤١ گومان وە تویشهاتن توومار کرد، و دویای وەشکین تویشهاتن ١٩ کەس وە بیماریەگە چەسپبا.
وتیش؛ شمارەی خاسەوبوین رەسیە ١٣ کەس، و ٦ کەسیش وەی بیماریە مردنە.
لە پرسیاریگ لەباوەت هەمانگی وەزارەتەگە وەگەرد وەزارەت تەندروسی فیدڕاڵ، بەرزنجی دووپات کرد ک هەماهەنگی ناوەین تەندروسی کوردستان و هاوشیوەی فیدراڵیی لەباوەت بیمارەیل پەتایی هەس.
