وەزیر تەندروسی هەرێم باس یەکەم مردن وە واکسین کەێد
شەفەق نيوز/ سامان بەرزنجی وەزیر تەندروسی لە حکومەت هەرێم کوردستان، ئمڕوو یەکشەممە، وت: هۊیچ پئشنیاریگ ئەرا بەسیان چینەیل خوەنەواری نییە، و دیاری کرد ک فەرمانبەریل کەرت گشتی تا سەرەتای ساڵ ٢٠٢٢ دیرن تا واکسین دژوە ڤایرۆس کۆڕۆنا وەربگرن.
وەزیرەگە لە وتاریگ ئەرا رووژنامەوانەیلە وت: هۊیچ پئشنیاریگ لە وسیان دەوام لە چین و ناوەندەیل خوەنەواری نییە، و وەختیش ئەرا باسکردن ریکارەیل کۆڕۆنا وەگەرد پارێزگارەیل و دەسەی باڵای نواگردن کۆرۆنا لە هەرێم نییە، و جەخت کرد لە گرنگی تاقیکردن PCR هەفتانە لەلای فەرمانبەر و مامووستایلە ک واکسین نەگردنە، و تا ١/١/٢٠٢٢ دەرفەت وەرگردن واکسین کۆڕۆنا دیرن، و دۊیای ئەوە ئاگادارییان کریەێد وەگرنگی سەردان شۆنەیل واکسینەگە
لەباوەت مردن مامووستایگ لەوەر کاریگەری واکسین دژوە پەتاگە بەرزنجی وت: یە یەکەم مردن وەیجۊرە ک لە هەرێم کوردستان توومار کریەێد، و دەسەیگ دەسکردە لێکۆڵینەوە لەی باوەتە.
