وەرزشوان کوردیگ لە کرماشان مەدالیای جەهانی دیرێد و میوە فروشێد
شەفەق نیوز/ وەرزشوان کوردیگ ک خاوەن مەدالیای پاڵەوانیەتی جەهانیە لە جۆدۆ، لە کرماشان سەوزە و میوە فروشێد.
مەسعود رەستگار، جۆدۆباز کرماشانی دووجار لە پاڵەوانیەتی ئۆڵەمپیک جۆدۆی ناشنوایەێل پلەی یەکەم و لە ریز ئەڵوژاردەی ئیران پلەی سێیەم جەهانی وەدەسهاوردیە، لە شار کرماشان لەسەر بەرەفتاویگ میوە و سەوزە فروشێد.
ئەو وەرزشوانە کێشەگەی هالەبان 100 کیلو و چەن ساڵیگە ئەرا ئەڵوژاردەی جۆدۆی ناشنوایەێل ئیران بازی کەێد، ئۊیشد، کارەگەی سەختە و وەخت فرەیگ لەلی بەێد، لەوەرئەوە یرەسێد لە راهێنانەێل بەشداری بکەێد.
مەسعود رەستگار داوا کەێد، وەزارەت وەرزش و لاوان ئیران کاریگ ئەرای پەیا بکەن، تاکو بتۊیەنێد برەسێدە راهێنانێلەگەی.
ئەو وەرزشوانە کوردە باس لەوەش کەێد، بایەد خوەی خەرجی راهێنانەێلەی دابین بکەێد ک وە میوەفرووشی یتۊەێنرێد ئەو خەرجی فرەیە دابین بکەێد.
مەسعود رەستگار ئۊیشد، "بەش فرەێگ لە وەختم لێرە چێدەسەر، ئەو مەوقەێلە چمە راهێنان، شەکەت و بیتاقەتم فرە سەختە کە شەوەکی ساعات شەش هەڵسید بچیدە بازاڕ، شتوومەک بسینید و دۊیاتر باێد تا ساعات 07:00 ئیوارە لێرە وە پاوە بوسید وەراسی دەرفەت راهێنان ئەرام سەخت کردیە بێجگە لەوە، لەی دۆخە خەرجی راهێنانەێلەش فرە بەرزبۊیە، منیش ئەوە کارەگەمە".
