وەرزشی نوویگ لە کویەیل کوردستان گەشە کەێد.. وێنە
شەفەق نیوز/ وەرزشی پیاسەی شاخەوانی، فێرخوازییگە دەسکردە کیشانن جووراجور چینە تەمنیەگان لە کوردستان، ک بڕیگ لە گەنج و تەمەن گەوراگان لە هەردوگ رەگەزەگە دەسکردنە رێکخستن سەردانەیلیگ وەروگەو ناوچە کوێەیەگان هەرێم، وە ریکردن وپەپا، جوور وەرزشییگ وهەمیش جوور سەردانیگ ئەرا دڵخوەشکردن وە کەشوهەوا سرووشتیە رەنگینەگان.
ژمارەیگ لەلیان یەک تیم دروس کەن، تا وە شیوەی گشتی کوێەی سەفین لە هەولێر لەبان شەقڵاوە پەسەن کەن، چوونکە لە ناوەند شارەگە نزیکە.
سامی بەندیان، ک خوەی حەکەم تووپانە، ئەرا ئاژانس شەفەق نیوز ئووشێد: لە دوو مانگ زیاترە ئی وەرزشیە وەشیوەی رێکیگ دەس وەپی کردگە، و لە یەک هەفتە سێ جار ئی وەرزشیە کەێد.
و هەمیش ئووشێد: ئی وەرزشیە دەسمیەت گورجی لەش دەێد، چوونکە من بڕاو دیرم ک خوەی لە ڕاهێنان ناو یاریگا یا هەر شوونیگ تر خاسترە، و ئاماژە کرد ک لە خود وەختەگە وە کەشوهەوا سرووشتیەگە خوەمان دڵخوەش کەیمن.
وتیش؛ کۆمەڵەگەی هەمیشە لە شەوەکیان زوی دەرچوود، و وەرجە نیمەڕو تیەێدەو، و خوەیان کەفنە گەرد تیم کوگۆمەڵەیلیگ تر ئەرا ئی وەرزشیە تیەن.
و هەمیشە ئی کۆمەڵەیلە لە ناوەند شار هەولێر وە ماشین تیەنە بنار کویەگە لە ناوچەی شەقڵاوە و دەورگردی، ئیجا لە ماشینەگان داوەزیەن و روی کەمە بەرزیەیل گوێەگان تا رەسنە لووتکەی کوێەگە، و لەوا هوچانیگ بەن و ئیجا گلەو خوەن.
سامی بەندینیان ئاماژە کەێد ک بان و خوار کردنەگە دەور سێ ساعەت کیشێد، و شایەت لەوە زیاتر و هەر جاریگ شوونیگ ئەرا وەبانچگن پەسەن کەیمن.
و تیمەیلیگ تایبەت وە گژچگن کوێەگان نیشانەیل ناسانن ئەرا ئەو هاووڵاتییەلە دانەن ک خوەشیان لەی وەرزشیە تیەێد، و رینمای ریەگان ئەرا وەبانچگن وەپیان نشان دەن، و وەگەرد کەوش و دڵنگەیل گونجیاگ ک لە زمسان لە سەردیەگە مقەیەتییان بکەن، وتاوسانانیش لە گەرمیەگە.
هاووڵاتی محمد حسێن ئەرا ئاژانس شەفەق نیوز ئووشێد: هەفتانە ئی وەرزشیە کەم، و فرە جار وەگەرد هاوسەر و مناڵەیلم تیەم، ک وەپا چیمنە بان کوێەگە و ئیجا وەرەو ماڵ گلەو خوەیمن.
و هەمیش ئووشێد: فرە لە پشۆیل جمعانە لە بنار کویەی سەفین گوزران کەم، ئەگەر واران نەوود، چوونکە لەلای منەو کەشەوهەوای ئەولا لە شارەگە خاسترە،و دیاری کرد ک هەنای ئی وەرزشیە کەیمن خوەشحاڵەو بویمن
