وەردەوامی داوەزیان نرخ دۆلار لە هەولێر وەگەرد وسیان بۆرسەیل بەغداد
2024-07-17T14:39:39+00:00
شەفەق نیوز/ نرخ دۆلار ئەمریکی وەرانەور دینار عراقی، ئیوارەی ئمڕوو چوارشەممە، وەگەرد بەسیان بۆرسەی هەولێر پایتەخت هەرێم کوردستان، وەشیوەی کەمیگ داوەزیا، وەگەرد وسیان کار بۆرسەی بەغداد لەوەر پشوو عاشورا.
پەیامنێر ئاژانس شەفەق نیوز وت: نرخ دۆلار ئەمریکی لە بۆرسە و بازاڕەیل بەغداد پایتەخت و لە پارێزگایل ترەک لەکار وسیانە، و بەسیان لەوەر پشوو ١٠ی موحەرەم.
لە هەولێر پایتەخت هەرێم کوردستان، نرخ دۆلار داوەزیان کەمیگ توومار کرد، کە نرخ فرووشتن 100 دۆلار ئەمریکی رەسیە 149300 دينار عراقی، و نرخ سەنینی رەسیە 149200 دينار عراقی.
شەوەکی ئمڕوو، نرخ فرووشتن 100 دۆلار ئەمریکی لە هەولێر رەسیە 149350 دينار عراقی، و نرخ سەنینی رەسیە 149250 دينار عراقی.
