وەگەرد واران وارین.. خانەوادەیل سلێمانی ئاهەنگ نەورروز خوەیان کەن.. وینە
2023-03-21T10:57:00+00:00
شەفەق نیوز/ وارانەگە و بەدی کەشوهەوا لە هەرێم کوردستان، ری لە خانەوادەیل فرەیگ لە سلێمانی نەکرد تا ئاهەنگ نەورروز خوەیان بکەن.
هۆراز ئەحمەد ئەرا ئاژانس شەفەق نیوز وت: رووژ بیس و یەک ئادار ئەرا ئیمە جویر کورد رووژ سرووشت نشان دەێد، ئەراوە دەرچگن ئەرا دەیشت و ناو سرووشت لەلامان لە کەشوهەوا گرنگترە، ئەراوە بایەتە هەرچەگ لە سرووشت وەناکاوی ئەرامان لەی رووژە دەرچوود قەبوڵی بکەیمن.
وتیش: ئمڕوو لەوەر وارانەگە ک لە دویەشەوەو وارێد، نووڕێ ک کەشوهەوا ئارام نییە، وەلێ ئیمە بڕیار دایمن وەگەرد برادەر و کەسوکارەیمان بایمنە دەیشت تا وە رووژ نوو گەشبین بویمن، و سوپاس ئەرا خودا ئی رووژە لەی ساڵە وە واران خێر دەسوەپی کرد، ک وەگورەی کەلەپوور گەلمان نشانەیگە ئەرا خێر.
هۆراس وتیش؛ ئمڕوو دەرچگن ئەرا دەورگرد قەزای دوکان و چادر وەگەر خوەیان هاوردن، و بەشیگ کیسەی نایلۆن گەورە هاوردن تا لە وارانەگە مقیەتی خوەیان بکەن.
