وە کردەوەی تورکیا و ئیران.. هشکی دەێدە بەنداوەیل کوردستان
شەفەق نیوز/ باوەت ئاو لە عراق وەشیوەی گشتی، و هەرێم کوردستان وەتایبەت، وەگەرد گشت وەرز کەم ووارانبگ کەفێدە وەر سەختیەیلیگ، لەبان ئەوەیش ک چارەسەری ریشەیی نییە.
پسپۆرەیلیگ ئەرا ئاژانس شەفەق نیوز وتن؛ نەوین چارەسەریە راسیەکان و ریشەییەکان و پشتبەسان وە چارەسەریە وەختیەکان هیشت تورکیا و ئیران بنەداوەیلیگ زیاتر بینا یکەن، و گرفتە ئاوییەکان زیایەو کرد.
وەکورەی قسەیل وەرپرسەیل بەنداوەیل لە هەرێم کوردستان؛ ک ئەو رێژەی ئاوە ک لە تورکیا و ئیران تەکان دەن، رەسیە نیمە، لەوەر ئەو پرۆژەیلە ک لە سەرچەوەیل ئاوەیا لەو دوو دەوڵەتە سازیەن.
وەرجە چەن رووژیگ، وەدیاری لە بەنداوەیل دۆکان و دەربەندیخان کاریگەری ئی باوەتە کەفتە دەیشت، ک رەحمان خانی وەڕێۆبەر بەنداو دەربەندیخان ئەرا ئاژانس شەفەق نیوز دیاری کرد ک ئی ساڵ ئاوییە لە عراق وە هشک دانریەێد، و لە بەشیگ لە ناوچەیل نیمچە هشکە، لەوەر کەم وارانی وەفەر ئەمساڵ ک
کەم وەی جوورە لە لیستە میترولۆجییەکان تۆمار کریەێد.
وتیش؛ کەمی تەکانە ئاویەکان لە سەرچەوەیل چەم سیروان لە ئیران لەوەر بەنداوەیل بان چەمەگە، ئەوەیش سەختیەگە زیایەو کرد ک رەسیە ٤٥٪ ک خوەی وەگورەی ساڵ گوزەیشتە رێژەی فرە کەمیگە، و ئاوە پشتدەسەگە کەمیەگە پڕەو نێکەێد، ک بوودە کاریگەری لەبان ناوچەیل فراوانیگ لە گەرمیان و دیالە و ناحیەیلی لەبان کنار چەمەگە.
لە چارەسەریە پێشنیارەکان ئاماژە کرد ک بایەدە وەشیوەی پینەکردن نەوود، و دانووستانەکان وەگەرد ئیران هاوسا بایەدە وەردەوام بوود چوونکە خوەی تەنیا رییگە ئەرا چارەسەری ئەو گرفتەیلە، و هەمیش وەگەرد چارەسەریەیلیگ لە ناوخۆی عراق لە رینماکردن وەکارهاوردن ئاو و کەمەوکردن پارچە کشتوکاڵییەکان، و بیناکردن بەنداوەیلیگ زیاتر و ئاویاری وەشیوەی نوو.
لە کۆتایی قسەیلی، خانی هووشداری کرد ک وت: ئەگەر رەوشەگە وەی شیوە وەڕیەو بچوود، وەبی چارەسەری ریشەیی، ساڵەیل ئایندە ئەوەسا لە پەککەفتن ئاوی لەناو خاک عراق زیاتر مەترسیدارەو بوود.
