وەگەرد بەرزەوبوین پلەی گەرمی.. هەولێر شوینیگ هەمیشەییە ئەرا رویکردن گەشتیارەیل
شوینیگ گەشتوگوزاری
غەیس محمد گەشتیاریگە لە بەغداد پایتەخت هاتگە، ئەرا ئاژانس شەفەق نیوز ئویشێد: یە ساڵەیل درویژیگە، شار هەولێر شوین رویکردن گەشتیارەیل لە جویراجویر پارێزگایلە، ک هەر لە وەرز وەهار و بەرزەوبوین پلەی گەرمی دەیکەنە هاتن، ئەرا وەسەربردن وەخت خوەشیگ لەناو کەشوهەوای رەنگین، و دیمەنە دڵگیرەیل ناو و دەیشت شارەگە تیەیمن.
رووژانە سەدان لە گەشتیارەیل سەردان بازاڕ هەولێر کەن، ئەرا چشت سەنین و گەردین لەناوی.
ئیسرا سەمیر ک لە مووسڵ هاتگە، ئەرا ئاژانس شەفەق نیوز ئویشێد: بازاڕەیل شار هەولێر چشتەیل رەنگینیگ ئەرا گەشتیارەیل هاوانیان، و وەنرخیگ گونجیاگ، ک بازاڕ قەیسەری لەناوڕاس شارەگە شوینیگ سەرەکیە ئەرا رویکردن گەشتیارەیل ک جویراجویر چشتەیل لەناوی فرووشیەێد.
ئاسانکاری هاتن گەشتیارەیل
دەسەڵاتەیل ناوخوەیی ئاسانکاری فرەیگ ئەرا گەشتیارەیل پیشەکەش کەێد، ک محمود جبوری لە سەڵاحەدین هاتگە، ئەرا ئاژانس شەفەق نیوز ئویشێد: ئاسانکاری هاتن گەشتیارەیل ئەوسا جویریگ سەختی لەناوی بوی، وەلێ ئیسە ئەو ئاسانکارە ک حکومەت هەرێم کوردستان پیشکەشی کەێد، وەچەو جاران فرە ئاسانە، لە لایەن وەرگردن مووڵەت جینشینی و ئەو ریکارەیل، ک یە گاڵ گەشتیارەیل دەێد بانە شارەیل هەرێم کوردستان.
لەلای خوەییش، عەبدولڵا شمەری ئەرا ئاژانس شەفەق نیوز ئویشێد: کەشوهەوای شار هەولێر و ناوچەیلی، هیلێد گەشتیارەیل بە جویراجویر پارێزگایل رووژەیل پشوو بکەنە دەرفەتیگ، چوینکە پلەی گەرمی لە پارێزگایل ناوڕاس و باشوور وڵاتەگە بەرزە، و ئەرا ئی شارە تیەن و سەردان ناوچەیل گەشتوگوزاریی کەن.
