وەرپرسیگ ئیرانی داوای لفانەکردن شار ئیلام وەگەرد ئەو شارەیل عراقیە کرد ک کورد فەیلی هاناویان
![وەرپرسیگ ئیرانی داوای لفانەکردن شار ئیلام وەگەرد ئەو شارەیل عراقیە کرد ک کورد فەیلی هاناویان](https://media.shafaq.com/media/arcella/1660482293976.jpeg)
شەفەق نیوز/ سەید مەجید ئیمامی، سکرتێر ئەنجومەن باڵای روشنهۊری گشتی لە ئیران، داوای ئامادەکردن رەوشەیل گونجیاگ لە شار ئیلام فەیلی کرد، وە ئامانج واژووکردن رێککەفتن لەفانەیی ئیلام وەگەرد ئەو شارەیل عراقیە ک فرەیان کورد فەیلیە، ئەوەیش چوینکە هاوبەشی کەلتووری و زوانی هاناوبەینیان.
ئاژانس ئیرنای فەرمی ئیران لە زوان ئیمامی لە وتاریگ لەناو گردەوبوین ئەنجومەن باڵای روشنهۊری گشتی لە پارێزگای ئیلام وت: واژووکردن ریککەفتنەیل لەفانەیی ناوبەین شارەیل سنووری کۆمار ئیسلامی ئیران ک هاوبەشیەیلیگ کەلتوری وزوانی وەگەرد دەوڵەتەیل هاوسا هاناوبەینیان، لەناو بڕیارەی ئەنجومەن باڵای ئاسایشی نەتەوەیی وڵاتەگە تیەێد.
دیاری کرد ک رێککەفتنەیل لفانەیی خاوەن رۆل گرنگیگە لە فراوانکردن پەیوەندیەیل کەلتووری، و خوەی دەروازەس ئەرا ناسانن وە کەلتوور ئیران و شۆڕش ئیسلامی لە دەیشت.
لە لاییگتر، ئەو وەرپرسە باس زیارەت چلەی ئیمام حسێن ئمساڵ کرد، ودووپات لە گرنگی وەکارهاوردن ئی دەرفەتەیلە و خاسەوکردن بەرنامە و رەنجەیل کەلتوری و راگەیانن لەلایەنی وەرپسەیل پارێزگای ئیلام، و وە درویژی ریەگە وەرەو مەرز مهران وەرد عراق، ئەرا ناسانن کەلتوور گشتی و کەلەپوور روشنهۊری دێرین ئی پارێزگای سنووری ئیرانیە.