وەرپرسیگ تەندروسی: شەپۆل سێیەم کۆرۆنای هەرێم کوردستان چوودە ناو چوارەم
شەفەق نیوز/ وەرێوەبەر تەندروسی گشتی پارێزگای هەولێر دلۆڤان جەلال محەمەد، ئمڕوو یەکشەممە، مەزەنە کرد شەپۆل سێیەم ڤایرۆس کۆرۆنا چوودە ناو چاورەم شەپۆل وەگەردی ڕێژەی تۊیشبۊەێل پەتاگە زیاتر بۊید.
محەمەد ئمڕوو وە رووژنامە نۊیسەێلە وت:" هیمان هایمنە ناو شەپۆل سێیەم ، وەگەرد کەم بۊینی لە چەن ناوچەێلێگ، باوجی وە داخەو ک راسە لە هەرێم وەتایبەت هەولێر شمارەی تۊیشبووین داوەزیایە باوجی رێژەگە ها لە ناوەنی 7-8 لە سەد.
وتیش؛ شەپۆل چوارەمەگە لە چەن ناوچەێل عراق دەس وەپێ کردیە، توانین بۊیشیمن "شەپۆل سێیەم چۊیە ناو شەپۆل چوارەم لە هەرێم کوردستان،جارێگتر وەگەردی شمارەی تۊیشبوویەێل بەرزەوبوود.
ئەو وەرپرس تەندروسیە دووپات کرد ک دانشتوانەێل پابەن بوون وە رێکارەێل و ری و شۊین تەندروسی و ئەرا لادان لەو مەترسیەێلە ک پەتاگە دروسی کەێد لە بان ژیانمان و پیشوازی لە ڤاکسین دژ وە کۆرۆنا بکەێمن.
