وەرپرس باوەت رزگارکردن رفیاگە ئەیزیدیەگان لە کوردستان خەڵات ناودەوڵەتی وەدەس تیەرێد
2020-12-11T09:58:35+00:00
شەفەق نیوز/ نووسینگەی رزگارکردن رفیاگە ئەیزیدیەگان لە هەرێم کوردستان، ئمڕوو جمعە، راگەیان سەرکەفتن وەڕێۆبەرەگەی حسێن قائیدی وە خەڵاتیگ ناودەوڵەتی ئەرا ڕووشنهویری و گفتوگۆ.
نووسینگەگە لە بەیاننامەیگ رەسیە ئاژانس شەفەق نیوز وت: دامەزراو فیلا دیسبوس پۆڵەندی ک تایبەتە وە رووشنهویری و گفتوگۆ، خەڵات سیرجیۆ ڤییڕای میلوی ناودەوڵەتی داگە حسێن قائیدی، لەناو دە رکابەر لە جووراجور دەوڵەتەیل جهان، ئەوەیش دوێەکە پەنجشەممە لە ئاهەنگیگ فەرمی لەبان سەکو زووم، ک خوەی رووژ جهانیە ئەرا ماف مرۆڤ.
وتیش؛ لەو وەختەگ شانازی وەی خەڵات جیوازە کەیمن، ک جوور رێزگردنیگ ئەرا رەنجە مرۆیبەگان و خزمەتەگان هات لەلایەن قائیدی و فرە هووکار بوین لە سەرکەفتن کارەیل رزگارکردن رفیایەگان و خزمەت ئازادکریایەگان لە چنگ داعش تیرۆرست.
