وەرپرسیگ ئاشکرای بەرزەوبوین رێژەی تاوانەیل لە هەرێم کوردستان کەێد
شەفەق نیوز/ ئەحمەد نەجمەددین وەڕێۆبەر گشتی راسەوکردن لە وەزارەت کار و باوەتە کۆمەڵایەتیەکان لە هەرێم کوردستان، ئمڕوو پەنجشەممە، باس چارەسەرکردن کەموکوڕییگ ئیداری بویە هووکار وەناوهاتن مادە هووشبەرەکان ئەرا ناو زیندان راسەوکردن گەوراکان لە پارێزگای هەولێر،گ کرد، و ئاماژە لە بەرزەوبوین رێژەی تاوانەیل لە هەرێم لە ماوەی دویایین کرد.
نەجمەددین لە کۆنگرەیگ رۆژنامەوانی ئاژانس شەفەق نیوز ئامادەی بوی وت: زیندان راسەوکردن گەوراکان لە هەولێر وەرجە ماوەیگ کەفتە وەر ناڕەزایەتی زیندانە توومەتبارەیل ک توومەت تیرۆر کریانە و هەمیش وەکارهاورەیل هووشبەرەکان.
وتیش؛ نووڕستیمن ک ئەوەگ لە زیندانەگە روویدا، لەوەر خەمسەردی ئیدارەگە بوی، ک وەشکین خاسیگ نەکرد تا ریگری لە رەسین هووشبەرەکان ئەرا ناو زیندانەگە بکەێد، وتیش؛ ئەوانە وەشیوەیگ وەختانە بریانە زیندانیەلیگ تر تا ئەوەنە دووارە زیندانەگەی هەولێر خاسەو بکریەێد.
وەرپرسە حکومەتیەگە ئاماژە کرد ک تا ئیسە ٥٠١٥ زیندانی لەناو سێ زیندانەیل هەرێم لە هەولێر و سلێمانی و دهۆک ئەرا گەورا و ژن و ناخاڵەکان هەس
هەمیش وت؛ تاوانەکان لە هەرێم لەی ماوە زیایەو بوین، و ئیمە ئیسە فەرمانبەرەیل زیاتر خوازیمن، ئەراوە داوا لە حکومەت کەیمن چارەسەرییگ ئەرا ئی گیچەڵە پەیا بکەێد.
هەمیش داوای راهێنان زیندانەیل کرد و کار لەبان دووارە ئامادەکردنیان ئەرا ناو کۆمەڵگا کرد، وەگەرد گورجەوکردن یاسای سزا جیگرەکان.
و تیش؛ لە ساڵ ٢٠٢٠ ٣٣٦٠ زیندانی مەقەز کریان، وەرانوەر دەسگیرکردن ٣٧٣٢ کەس نوو.
