وەرگیری شارستانی کوردستان ئامادەس ئەرا رویوەڕویبوین هەر ناکاوییگ
شەفەق نیوز/ وەڕێوەبەرایەتی وەرگیری شارستانی لە هەرێم کوردستان راگەیان، ئامادەکاریکردیە ئەرا رویوەڕویبوین وەرد هەر ئەگەریگ واران وارین رفتیگ و گەردەلویل و بەرق کە وەپای دویا مەزەنەیل، ئمڕوو شەممە، کەشناسی فرەیگ لە ناوچەیل هەرێم گرێدەو.
وەڕێوەبەرایەتیەگە لە بەیاننامەیگ رەسیە ئاژانس شەفەق نیوز دووپاتکرد، گشت تیمەیل وەرگیری شارستانی هانە حالەتیگ ئامادەباشی بەرز ئەرا مامەڵەکردن وەرد هەر حالەت لەناوکاویگ کە لەوەر کەشوهەوا دروسبوود.
وەڕێوەبەرایەتی وەرگیری شارستانی لە بەیاننامەگەی ئاشکرایکرد، ئامادەکاریەیل پاکەوکردن ئاوەڕۆیەیل واران ولافاو گرێدەو لە ناوەندەیل شار وە هاوکاری وەرد تیمیگ شارەوانی.
دیاریکرد، هەوەجەکەێد هاوڵاتیەیل دویڕەوبکەفن لەناوچەیل کە وەرجەیە لافاو وەخوەی دیە، وە تایوەت ئەو شوینەیلە نزیکن لە پێەڵ و ناوچە نزمەیل کە هاتێ رویوەڕوی گردەوبوین واران بوون.
