وەرگیری شارستانی: سزیان بیناگەی ئەنجومەن وەزیرەیل هەرێم لە ئەنجام تەقیان گیزەر ئاو و بوتڵ غاز بویە
2024-02-17T09:19:12+00:00
شەفەق نیوز/ وەڕێوەبەرایەتی بەرگیری شارستانی پارێزگای هەولێر، ئمڕوو شەممە، راگەیان رویداو ئاگرگە کە لە ئەنجومەن وەزیرەیل هەرێم کوردستان هیزگردیە لەئەنجام تەقیان گیزەر ئاو بویە لەناو بەش ئاشپەزخانەی ناو بیناگە بویە.
وەڕێوەبەرایەتیەگە ئمڕوو لە بەیاننامەیگ وت، لەدویای ئەوەگ لە نیمەشەو دویەکە ساعەت (50-12) خولەک، وتاق کۆنترۆل وەڕێوەبەرایەتیەگەمان خەوەردارکریایە لە رویدان رویداویگ ئاگرگردن لەناو بینای ئەنجومەن وەزیرەیل لەپارێزگای هەولێر، تیمەیلمان دەسوەجی رەسینە شوین رویداوەگە.
وتیش، لەدویای کۆنترۆلکردن ئاگرەگە، دەرچگە هووکار ئاگرەگە تەقیان گیزەر ئاو گەرمکەریگ بویە لەبەش ئاشپەزخانە کە هەمیش بویەسە مدوو تەقیان بوتڵ غاز، خوەشبەختانە کەلەمەداری نییە، تەنیا زەرد مادی سوکیگ بویە، وە سوپاسەو ئەرا فەرمانبەرەیلمان توەنستنە لە کەمترین وەخت کۆنترۆڵ ئاگرەگە بکەن.
