وەرگری شارستانی: ١٦ تیم ئاگرکپەوکردن توەنستن ئاگر پیشەسازی باکوور لە هەولێر کپەو بکەن
2024-03-09T11:34:59+00:00
شەفەق نیوز/ وەڕیەوبەرایەتی وەرگری شارستانی لە پارێزگای هەولێر، ئمڕوو شەممە، کپەوکردن ئاگر لە ئەماریگ لە ناوچەی پیشەسازی باکوور هەولێر وەلایەن ١٦ تیم ئاگرکپەوکردن، و دووپات کرد کە تەنیا زەرەد دارایی لەلی کەفتەو.
کاروان عەلی قسەکەر وەڕێوەبەرایەتیەگە ئەرا رووژنامەوانەیل وت: وەداخەو رویداوەگە فرە گەورە و رخبەر بوی، و تیمەیل کردیمنە ١٦ بەش، و توەنستیمن وەماوەی سێ ساعەت ئاگرەگە کپەو بکەیمن.
دیاری کرد کە ئیرنگە کارمان کۆنتڕۆڵکردن نزەکردن سوتەمەنیە کە لە بان ئامارەگە مەن، وتیش؛ خوەشبەختانە رویداوەگە نەویە زەرەدیگ مرۆیی وتەنیا دارایی بوی.
وتیش: تا ئیسە هوکار راسی ئاگرەگە نادیارە، وتیش: دەسەیگ هونەری دروس کریا ئەرا رەسین وە بندروس رویداوەگە، و بڕ زەرەدەیل مادی.
