وەدەسوەردان قوباد تاڵەبانی.. بڕیار مەرەقەزکردن پەیامنێر ئاژانس شەفەق نيوز لە سلێمانی
شەفەق نیوز/ رەحمان غەریب ناوەند وەرپرس "ميترو" ئەرا ئازادی رووژنامەوانی، ئاشکرای وەرگردن بڕیاریگ وە مەرەقەزکردن پەیامنێر ئاژانس شەفەق نيوز عەباس ئەرکەوازی کرد، دۊیای دەسگیرکردنی لە مەوقەی توومارکردن خۆپیشاندان سلێمانی.
رەحمان غەریب ئەرا ئاژانس شەفەق نیوز وت: لە ئەنجام هەماهەنگی ناوبەین قوباد تاڵەبانی جێگر سەرۆک حکومەت هەرێم کوردستان،
وە هەڵەمەت رەحمانیش وەگەرد لایەنە پەیوەندیدارەیل، بڕیار مەرەقەزکردن پەیامنێرەیلیگ وەرگریا ک پەیامنێر ئاژانس شەفەق نيوز عەباس ئەرکەوازی هالە ناویان.
وتیش؛ چەن ریکاریگ یاسایی هەس ئومید خوازینن ئمڕوو تەواو بوود تا عەباس ئازد بوود.
لەلای خوەییش، ئاژانس شەفەق نیوز دەسخوەشی لە هەڵوێست نۊسینگەی قوباد تاڵەبانی جێگر سەرۆک وەزیرەیل هەرێم کوردستان کەێد، و رەنجەیل ناوەند میترو و رەحمان غەریب وەرپرسی لەی باوەتە.
