وەخوارکەفتن گەشتیاریگ بیانی لەبان کویەی سەفین لە هەولێر
2022-06-03T15:31:24+00:00
شەفەق نیوز/ ئیدارەی خەسخانەی هوکارەیی شەقلاوە لە پارێزگای هەولێر، ئمڕوو جومعە، خەوەردا لە مردن گەشتیاریگ بیانی شەس ساڵیگ لە دویای وەخوارکەفتنی لەبان یەکیگ لە کویەیلە.
راگەیانن خەسخانەی شەقلاوەی هووکارەیی لە بەیاننامیگ رەسیە ئاژانس شەفەق نیوز وت: " گەشتیاریگ بیانی وەناو گیرت والتر لە داڵگبوی 1961 لە کویەی سەفین لە قەزای شەقلاوە کەفتە خوار و دەسوەجی گیان لە دەسدا".
وتیش، تەرمەگە ئەرا پزیشک دادوەری لە هەولێر کلکریایە.
