وەخشین قەرەتەپە لە بڕیار قەیەغەی هاوردەی بەرهەمە کشتوکاڵیەگان لە کوردستان
2020-12-27T11:00:59+00:00
شەفەق نیوز/ ناحیەی قەرەتەپە، راگەیان وەخشینی لەلایەن وەزارەت کشتوکاڵی فیدڕاڵی لە قەیەغەی هاوردەی بەرهەمە کشتوکاڵیەگان لە هەرێم کوردستان.
وەسفی تمیمی وەڕێۆبەر ناحیەگە ئەرا ئاژانس شەفەق نیوز وت: فەرماندەیل ئۆپراسیۆنەگان و فیرقەی پەنجەم لەدیالە رازی بوین لە وەناوهاتن بەرهەمە کشتوکاڵیەگان لە ناوچەیل هەرێم کوردستان لەڕی کوڵەجو سەروە قەزای کەلار ک ٢٥ کێلومەتر لە قەرەتەپە دویرە.
تمیمی دیاریکرد ک هووکارەیل وەخشینەگە لەوەر دویری قەرەتەپە لەو کەرتە ئیداریەگان لە دیالە و بەغداد تیەێد، م بوودە هووکار سەختیەیل گەورایگ لە دابینکردن بەرهەمە کشتوکاڵیەگان ئەرا دانیشتوەیل ناحیەگە.
.وتیش؛ وەخشینەگە تەنیا ناحیەی قەرەتەپە گرێدەو، و ری نیەێدە رەدبوین هیچ بەرهەمیگ لە میوە و سەوزە وەرەو دەیشت سنور ناحیەگە، وەگورەی پەیمانەیلیگ دریانەسە فەرماندە ئەمنیەگان، و ئاماژە کرد ک ئی بڕیارە بویە هووکار گەشەکردن بازاڕەیل ناحیەکە و ئارامگردن نرخەیل میوە و سەوزە وەشیوەی گەورایگ، و هەمیش بویە هووکار دەسمیەتی فرەیگ لە خەڵک قەرەتەپە لە هەژار و کەمدەسەگان.
