وەخاتر ژیانیگ خاستر بان گرتە وەر.. وەلی وەمردگی ئەرا میلکانەگەی هاتەو (وێنە)
2021-05-29T09:05:27+00:00
شەفەق نیوز/ خەڵک قەزای سەید سادق لە پارێزگای سلێمانی، ئمڕوو شەممە، پیشوازی لە تەرم ئەو گەنج پەنابەرە (مەسروور بەختیار) کردن، ک لە ئیتالیا وە رووداویگ هاتووچو گیانی لەدەسدا.
پەیامنێر ئاژانس شەفەق نیوز وت: نزیکەی سێ هەزار کەس لە خەڵک قەزاگە، شەوەکی ئمڕوو، ماڵئاوایی لە تەرم گەنج مسروور بەختیار لە قەورسان سەید سادق کردن، وەبی هەیچ ئامادەبوینیگ لەلایەن وەرپرسەیل خۆجێی.
تاهر باموکی ئیمامی مزگەفت سەید سادق ئەرا رووژنامەنووسیل وت: ئمڕوو یەکیگ لە گەنجەیلمان لەدەسمان چگ، وئومید لە وەرپرسەیل حکومەت خوازیمن ریکارەیلیگ ئەرا وسانن کۆچبردن گەنجەیل بووەن ل زیان لە بیکاری وەخوەیان دوینن، تا لەدەسمان نەچن.
