وەخاتر ئارامی عراق.. نێچیروان بارزانی دووپات لە بیوەیی چەسپیان سیستەم فیدڕاڵی کەێد
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: نێچیروان بارزانی لە چەوپیکەفتن خانمە باڵیۆز ئەمریکا، پیرووزبایی لەلی کرد ئەرا وەرگردن پۆست نووی، و ئومید سەرکەفتن ئەرای خوازێد، و هەردوگ لایەنەگە خوەشهاڵی خوەیان نشان دان وە ئاست پەیوەندیەیل ناوەین ئەڵمانیا و عراق و هەرێم کوردستان و باس فراوانکردن چینەیل پەیوەندی و هاوکاری هاوبەش کردن.
وەگورەی بەیاننامەگە، هەردوگ لایەنەگە خاسەوبوین رەوش ئەمنی لە عراق وە گرنگ دانان، و دووپات کردن کە هیمان داعش رخیگ راسی و هەڕەشە لەبان ئارامی دروس کەێد، ئەراوە بایەسە لە رویوەڕویبوین وەردەوام بوون، و لەی باوەتە، بارزانی سوپاس لە ئەڵمانیا کرد ئەرا ئەو پاڵپشتیکردنە کە ئەرا عراق و هەرێم کوردستان پیشکەش کرد، و لە لاییگ ترەک هەردوگ لایەنەگە باس رەوش سیاسی لە عراق کردن، و هاوڕا بوین لەبان گرنگی جیوەجیکردن سیستەم فیدڕاڵی لە عراق و لەی باوەتە بارزانی دووپات کرد کە وەخاتر ئارامی عراق بایەسە سیستەم فیدراڵی وەشیوەی گونجیاگ جیوەجی بکریەێد و بچەسپیەێد.
بەیانامەگە وتیش: فراوانکردن چینەیل بازرگانی ئەڵمانیا لە عراق و هەرێم کوردستان، و تەقەلای زیایبوین سەرچەوەیل داهات لە عراق و رەوش ناوچەگە وەشیوەی گشتی باسەیل ناو ئەو دیدارە بوین.
