وەبوونەی مانگ موحەڕەم.. نێچیروان بارزانی پەنان قویلکردن ئەوەکە قبووڵکردن دووپات کەێد

شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، وە بوونەی ساڵ کووچی نوو،  پیرووزبایی لە موسڵمانەیل کرد.  

بارزانی لە بەیاننامیگ رەسیە ئاژانس شەفەق نیوز وت: پیرووزبایی یەک لە مانگ موحەڕەم لە گشت موسڵمانەیل لە هەرێم کوردستان و عراق و جەهان کەم، و لە خودا داوا کەم ئی ساڵ نووە خێر وئارامی ئەرا هەرێم و عراق و جەهان بارێد. 

بارزانی وتیش: لەی بوونە، دووپات لە قویلکردن کەلتوور ئەوەکە قبووڵکردن کەیمن، و هەمیش لەبان ئەوەیش دووپات کەیمن ک هەمیشە هەرێم کوردستان جویر پەنایگ ئەرا گشتی و وڵاتیگ ئەرا پێکەوەژیان و وەخشین مینێد.