وەبوونەی جەژن زایینی.. نێچیروان بارزانی پابەندبوین کوردستان وە مقیەتیکردن وەیەکەوژیان و وەخشین دووپات کەێد
شەفەق نیوز - هەولێر
سەرۆک هەرێم کوردستان، نێچیروان بارزانی، ئمڕوو چوارشەممە، گەرمترین پیرۆزبایی لە هاووڵاتییەیل کریستیان لە هەرێم کوردستان و عراق و گشت کریستیانیەیل جیهان کرد وەبوونەی جەژن لەداڵگبوین حەزرەت مەسیح، و ئومید جەژنیگ خوەش و پڕ لە ئارامی و ئاشتی ئەرایان خوازی.
بارزانی لە بەیاننامەیگ دووپاتکرد کە کریستیانەیل پێکهاتەیگ رەسەن و بەشیگ دانەوڕیاگن لە مێژوو و ئیرنگە و ئایندەی کوردستان دیاریکرد ئێ رووژە پیرۆزە دەرفەتێگە ئەرا نووکردن هەرێم کوردستان وە پاراستن کەلەپوورە دێرینەگەی لە مژار پێکەوەژیان و قبووڵکردن یەکتر.
سەرۆک هەرێم دیاریکرد، کوردستان جویر هەمیشە مینێد و بوودە پەناگەیگ ئارام ئەرا گشت پێکهاتەیل، دووپاتکرد، رۆڵەیل نیشتمان شەریکن لە یەک چارەنویس و لە رووژە سەختەیل وەرد یەک قوربانی دانە، و وەردەوام بوون لە کارکردن پێکەوەیی ئەرا بانانیگ گەشاوەتر ئەرا نەوەیل ئایندە.
بارزانی داوا کرد پەیام جەژن زایینی بوودە پەیام ئاشتی و خوەشەویستی و وەهێزکردن برایەتی ناوەین گشت پێکهاتەیل، و پیرۆزباییەگەی وەی شیوەی کۆتایی وەپیهاورد: "جەژن زایینی لە گشتی پیرۆز بوود، گشت ساڵیگ وە خوەشی و بەختەوەر بوون."
