وەبوونەی یاد 44 ساڵەی جینۆساید کوردەیل فەیلی .. نێچیروان بارزانی دووپاتکەێد لە داوای قەرەبووکردنیان لە حکومەت عراقی
سەرۆک نێچیروان بارزانی لە بەیاننامەیگ وت "ئمڕوو یاد وە ژانەگەی چل و چوارساڵەگەی جینۆساید هەزاران کورد فەیلی کەیمن کە رویوەروی پەلاماریگ دڕندانە بوین، کە رژێم عراقی وەرین دژ وەپیان ئەنجامی دا وە کوشتن و دەسگیرکردن و و دەرکردن و بی سەروشوینکردن و وەرگردن رەگەزنامە و وەرگردن سامان و ماڵ بوین، چوینکە تەنیا کوردن و پشگیری شۆرش کوردستان کردن".
وتیش "لەی یادە، دووپاتکەیمن لە بان داواکاریمان لە حکومەت فیدڕاڵی عراق قەرەبوی کوردەیل فەیلی بکەێد لە گشت رویگەو، وەپای بڕیار دادگای فیدڕاڵی باڵای تاوانەیل عراقی کە ئێ تاوانە وە تاوان جینۆساید ناسان، رەگەزنامە و سامان و ماڵ و مولکیان گلەوبدەێد و گیچەڵەیلیان چارەسەربکەێد، ئەرا ئیەش وەردەوام بویمن لە کوشان کردن و هەرچە هاوکاری بوود ئەنجامی دەیمن".
سەرۆک هەرێم کوردستان وتیش "جینۆساید کوردەیل فەیلی و گشت تەقەلایەیل سڕینەوە و تاوانەیلیە وەرانوەر وە گەل کوردستان ئەنجام درێد، مێژووی سیا و گوزەشتەی تاڵ و پڕ لە هەڵەی عراقە بویە هووکار ناسەقامگیری وڵات".
دووپاتکرد کە " بایەسە گوزەشتە بوودە وانە و پەندیگ ئەرامان، سوود لەلی وەربگرین لەپێناو ئایندەیگ خاستر لەبان بنەمای پێکەوەیی و یەکتر قبووڵکردن لە عراق".
