وە بەشداری 100 کۆمپانیا.. سلێمانی میوانداری ڤیستیواڵ "دروسکردن لە عراق" کەێد وە چاپ دویەمی (وینە)
گوڵان نێرەوان وەڕێوەبەر بازاریکردن لە پێشانگای ناودەوڵەتی سلێمانی وە ئاژانس شەفەق نیوز وت، "وە ئامانج پشتگیریکردن لە بەرهەم ناوخوەیی ئمڕوو لە سلێمانی دەسکریا وە چالاکیەیل ڤیستیوالەگە وە چاپ دویەمی وەلایەن کۆمپانیای ئەتلەس وە هاوکاری وەرد وتاق بازرگانی و پیشەسازی سلێمانی و بەشداریکردن گەپیگ لە کارخانەیل هەرێم کە رێژەیان رەسێدە 60٪ ".
وتیش "پێشانگاگە دەریگ ئابوریە ئەرا یەکترناسین کۆمپانیاگان لە ناو عراق و وەبەرهێنەرەیل لە هەرێم کوردستان، هەمیش دەسپیشخەری خاسیگەئەرا کۆمپانیا و کارخانەیل عراقی ئەرا نمایشکردن بەرهەمیل نیشتیمانی رەسەن لەنوای بەرهەمەیل هاوردە کە وەهەمان کوالێتی پێشبڕکێ وەگەردیان کەێد".
دووپاتکرد "پێشانگاگە ماوەی چوار رووژ وەردەوامە، و لە وازکردنەگەی ئمڕووی وەزیر پیشەسازی و بازرگانی حکومەت هەرێم کوردستان و پارێزگار سلێمانی و شمارەیگ لە وەرپرسەیل حکومی ئامادەبوین وەسەرپەرشتی وەزارت پیشەسازی و کانزاگان حکومەت عراق و هەرێم کوردستان".
