وەڕێۆبەر فڕۆکەخانەی هەولێر ئەرا شەفەق نیوز: هیمان کاروانە ئاسمانیەگان لەوەر بمبارانەگە وسیانە

شەفەق نیوز/وەڕێۆبەر فڕۆکەخانەی ناودەوڵەتی هەولێر، ئمڕوو سێشەممە، دووپات کرد لە وەردەوامبوین وسانن کاروانەیل فڕۆکەخانەگە، ئەوەیش لە پشت گورزیگ مووشەکی لەبان پایتەخت هەرێم کوردستان.

گورزەگە وە دوو مووشەک فڕۆکەخانەی هەولێر کرده ئامانج.

ئەحمەد هوشیار وەڕێۆبەر فڕۆکەخانەی هەولێر ئەرا ئاژانس شەفەق نیوز وت: هیمان جوولەی کاروانە ئاسمانیەگان لە فڕۆکەخانەگە وسیانە، و ئیسە هەڵسەنگاندن زەرەدەیل گورزەگە کەیمن.

وەگەرد فڕۆکەخانەگە، بمبارانە مووشەکیەگە گەڕەکەیلیگ نیشتەجیبون کردە ئامانح، و بویە هووکار کوشتن کەسیگ، و زەخمداربوین کەسەیلیگ تر یەک سەرباز ئەمریکی هاناویان.