وەئامادەبوین نێچیروان بارزانی.. دەسکریا گردەوبوین بەسیای بلاسخارت وەگەرد حزبەیل کورد
شەفەق نیوز/ ئمڕوو پەنجشەممە، دەسکریا گردەوبوین بەسیاگ لەلایەن حزبەیل کورد وەئامادەبوین جینین بلاسخارت نوینەر سکرتێر گشتی نەتەوە یەکگرتگەیل. وەرجەیە، یۆنامی مکیس حزبەیل کورد ئەرا گردەوبوینیگ کرد وەخاتر باسکردن لە هەڵبژاردن هاتگ پەرلەمان هەرێم کوردستان.
شاند پارت دیموکرات کوردستان وە سەرۆکایەتی فازڵ میرانی سکرتێر مەکتەب سیاسی حزبەگە، وشاندیگ لە یەکێتی نیشتمان کوردستان وە سەرۆکایەتی بافڵ تاڵەبانی ئامادەی ئەو گردەوبوینە بوین ک لە نویسینگەی نەتەوە یەکگرتگەیل لە هەولێر پایتەخت هەرێم کوردستان ئەنجام دریەێد.
هەمیش هەرلە عومەر سەید عەلی هەماهەنکار گشتی بزووتنەوەی گۆڕان، سەڵاحەدین بابەکر لە سەرۆکایەتی یەکێتی ئیسلامی کوردستانی، عەلی باپیر لە سەرۆکایەتی شاند دادپەروەری کوردستانی، وبەدریە ئیبراهیم لە سەرۆکایەتی بزووتنەوەی نەوی بوێ ئامادەی ئەو گردەوبوینە بوین.
وەگورەی ئەو زانیاریەیلە ک کەفتە دەس ئاژانس شەفەق نیوز؛ نێچیروان بارزانی سەرۆک هەرێم کوردستان، وەرجە کەمیگ رەسیە گردەوبوینەگە، دویای گلەوخواردنی لە زاخۆ وبەشداریکردنی لە رسوومەیل دەرچگن ئەفسەرەیل.
