وە ئامادەبوین گەشتیارەیل.. دەسکریا وەڤیستیوال "راشی" لە دهۆک (وینە)
شەفەق نیوز/ ئمڕوو پەنجشەممە، دەسکریا وە چالاکیەیل دویەم ڤیستیواڵ راشی لە قەزای ئامێدی باکوور دهۆک وە بەشداری فراوانیگ لە خاوەن کارگەیل راشی لە ناوچەگە و ئامادەبوین شمارەی فرەیگ لە گەشتیار و سەردانکەرەيل.
پەیامنێر ئاژانس شەفەق نیوز وت، ڤیستیواڵەگە ماوەی دوو رووژ وەردەوام بوود.
هەکار حەمید سەرۆک لیژنەی رێکخەر ڤیستیواڵەگە دووپاتکرد، "ئامانج لەلی ئەوزەڵداینە وە گەشتوگوزار و گورجەوکردن جویلەی ئابووری ناوچەگە، و گاڵداین کشاوەرز و خاوەن کارەیل دەسڕەنگینیەیل ئەرا زیایکردن بەرهەمەیل ناوخوەیی و ئەوزەڵداین وە توانایان".
ئاشکرایکرد "ڤیستیواڵەگە 60 چادر گرێدەخوەی بەرهەمیل جیاوازیگ نمایش کریانە لە بەرهەمیل راشی و ئەسەڵ و میوەی تازە و هشکەوکریا وەرد شیرینی دەسی و چشتەیلیگ میراتی کە دەسمیەتی وەرەوە نواچگ دەێد وە گشتی لە بەرهەمەیل ناوخوەیی و نووڕینەیل خەێدە بان ئەو بەرهەمەیلە ناوچەگە پێشکەشی کەێد".
