هەفت مردن و ٢٤٠ تووشهاتگ نوو وە کۆرۆنا لە کوردستان

شەفەق نیوز/ وەزارەت تەندروسی لە حکومەت هەرێم کوردستان، سێشەممە، بەرزەوبوین ژمارەی تووشهاتنەگان وە پەتای کۆڕۆنا راگەیان ئەرا ٦١٤٤ کەس.
وەزارەتەگە لە بەیاننەمەیگ ک رەسیە ئاژانس شەفەق نیوز وت: ١٥٨٢ تاقیکردن ئەنجام داگە لە ٢٤ ساعەت گوزەیشتە، لەلی ٢٤٠ تووشهاتگ دیاری کرد، وەیجوورە بەشەوبوی: ٥٨ لە هەولێر، ١١٠ لە سلێمانی، ٧١ لە گەرمیان، یەک تووشهاتگ لە دهۆک.
وتیش؛ ٨٨ خاسەوبوی دیاری کریا، لەلیان ٤٩ لە هەولێر، ٣٤ لە سلێمانی، ٥ لە گەرمیان.
وەزارەتەگە هەمیش ٧ مردن تۆمار کرد، شەش لەلیان لە سلێمانی، و یەکیگ لە گەرمیان.
لە وەخت بڵاوبوین پەتاگە، ٦١٤٤ کەس لە هەرێمەگە تووشهاتگە، و ١٨٥٥ خاسەوبویە، و ٢٠٧ مردگە.