هوشداری.. داعش هالە نزیک خانەقین
شەفەق نیوز/ پەرلەمانتاریگ لە یەکێتی نیشتمان کوردستان، ئمڕوو چوارشەممە، هوشداریدا لە رەسین پەلامارەیل ریخریاگ داعش ئەرا شار خانەقین، لەوەر شلەووبوین ئەمنی مەترسیداریگ، و وڵکردن دەیان ئاوای دەوروگردی وەبی مقەیەتی. ئەرا ئارام کردن دەورگرد خانەقین و سنور دیالە- خانەقین ، داوای وەجیارهاوردن رێککەفتنە هاوبەشەگان کرد ناوبەین سوپا وپێشمەرگە،.
شێرکۆ میروەیس، نوێنەر لە پارێزگای دیالە، ئەرا ئاژانس شەفەق نیوز وت: دەورگرد خانەقین زیایبوین ئاشکرایگ دوینێد ئەرا چالاکی تیرۆرسته‌یل وپەلامارەیل دژوە کەرتەیل وئاوایەیل لە چواردەور قەزاگە، ک ناچار دانیشتوەیل ٣٥ ئاوای كرد وەرەو هەرێم کوردستان کۆچ بکەن.
ئاماژەدا وە کەمی پاڵپشتیە ئەمنیەگان لە خانەقین ك تەنیا یەک فەوج فریاکەفتن دیرید، هەرچەن قەزاگە هێز پاڵپشتی ئامنی خوازێد لەئاست هەڕەشە ئەمنیەگان، وتیش زیاتر لە ٩٣ ئاوای سەروە قەزای خانەقین وەبی مقەیەتی ئەمنیە.
میروەیس دووارە هوشداریدا لە رەسین پەلامارە تیرۆرستیەگان ئەرا ناوەند خانەقین، لەسای رەوش ئەمنی شلەوبوی و خراوی ئەمنی، وپاپا نەوین فەرماندە ئەمنیەگان و وەزارەتە پەیوەندیدارەگان لە داواکاریەیل خەڵک خانەقین.
میروەیس داواکرد لە وەجیهاوردن رێککەفتنە ئەمنیەگان ناوبەین سوپا و پێشمەرگە، ئەرا چارەسەری بووشاییە ئەمنیەگە لە چواردەور خانەقین، وکۆتایی هاوردن وە پەلامار وهەڕەشەیل تیرۆرستیەگان ک دەیان قوربانی لە دەورگرد خانەقین خستەو، ولەماوەی کەمتر لە ٢٠روژ ٢٠ هاووڵاتی لە دەور خانەقین کوشیان.
پەلەمانتارەگە باس لە گەشبینی خوەی کرد وە کابینەی وەزارەتیه نووەگە، ئەرا چارەسەرکردن دۆخ ئەمنی لە دەورگرد خانەقین، ورزگارکردن هەزاران هاووڵاتی لە دەس تیرۆرستەیل .
