هه‌ڵه‌بجه حاڵه‌ت تازه وه كۆرۆنا تۆمار كرد و سلێمانييش په‌ياميگ ئاراسته‌ى نمازخوه‌نه‌يل ئه‌كا
2020-06-04T10:47:14+00:00
شه‌فه‌ق نيوز/ سه‌رچه‌وه‌يگ وه‌رپرس پزيشكى، ئاشكراى ئه‌وه كرد حاڵه‌تيگ تر تازه وه ڤايرۆس كۆرۆنا له پاريزگاى هه‌ڵه‌بجه تۆمار كرياگه.
سه‌رچه‌وه‌گه ئه‌را ئاژانس شه‌فه‌ق نيوز وت: سه‌نته‌ر شه‌هيد عه‌لى شيعه‌ى پزيشكى يه‌كه‌م حاڵه‌ت تويشبوين وه ڤايرۆس كۆرۆنا له ناحيه‌ى خورماڵ سه‌ر وه پاريزگاى هه‌ڵه‌بجه تۆمار كردگه، ئاماژه وه‌يه‌يش كرد ئه‌و حاڵه‌ته ئه‌را پياويگ 58 ساڵان تۆمار كرياگه.
له‌لايگ تره‌و وه‌ڕيه‌وبه‌رايه‌تى ته‌ندروستى پاريزگاى سلێمانى داوا له گه‌ڕه‌ك "كوردستات" كرد وشكانن پزيشكى ئه‌نجام بيه‌ن له ڤايرۆس كۆرۆنا، ئه‌ويش دوياى تويشبوين ئيمام و خوتبه‌ده‌ر مزگفت گه‌ڕه‌كه‌گه‌يان وه په‌تاگه.
