هه‌وڵيگ هاوردن 3 كيلۆگرام ماده‌ى هوشبه‌ر ئه‌را ناو هه‌رێم كوردستان پويچه‌ڵ كريا
شه‌فه‌ق نيوز/ ده‌سڵاته‌يل ئه‌منى له هه‌رێم كوردستان، له ماوه‌ى رووژه‌يل گوزه‌يشت، هه‌وڵيگ هاوردن نزيكه‌ى 3 كيلۆگرام ماده‌ى هوشبه‌ر له قه‌زاى سۆران له باكوور پاريزگاى هه‌ولێر پويچه‌ڵه‌و كردن.
له‌ى باوه‌ته‌و، وه‌ڕيه‌وبه‌رايه‌تى گشتى دژه ماده‌ى هوشبه‌ر سه‌ر وه ئاسايش له به‌ياننامه‌يگ ك ئاژانس شه‌فه‌ق نيوز ئاگادارى بوى وت: دوياى وه‌رگرتن زانيارى و رێ وشوونه‌يل گه‌ردين و وشكانن له‌لايه‌ن ئه‌فسه‌ر و كارمه‌نده‌يل دژه مادده‌يل هووشبه‌ر له قه‌زاى سۆران، له ماوه‌ى 10 رووژ گوزه‌يشت و له 3 چالاكى جياجيا تويه‌نريا 2كغم و 175 غم ماده‌ى هووشبه‌ر ده‌سوه‌سه‌ر بكريه‌ێد وه‌ل ده‌سگيركردن 6 تومه‌تبار.
جى باسه، يه‌يش له‌وه‌ختيگه زويتر وه‌ڕيه‌وبه‌رايه‌تى ئاسايش له قه‌زاى زاخۆ له پاريزگاى دهۆك ئاشكراى ده‌سوه‌سه‌ركردن زياتر له 30 كغم ماده‌ى هووشبه‌ر كرد.
