هه‌ولێر له هه‌فته‌يگ دو رووژ رێ وه كردننه‌وه‌ى بانك و نويسينگه‌يل هه‌واڵه دا
شه‌فه‌ق نيوز/ غورفه‌ى ئۆپراسيۆن هه‌ولێر پايته‌خت هه‌رێم كوردستان، بڕياريگ ده‌ركرد و له‌تى رێ وه وازكردن بانكه‌يل و نويسينگه‌يل هه‌واڵه دا له هه‌فتيگ دو رووژ.
غورفه‌ى ئۆپراسيۆن له به‌ياننامه‌يگ ئه‌را شه‌فه‌ق نيوز ئه‌وه ده‌رخست ك دانيشتنيگ وه سه‌رپه‌رشى فرسه‌ت سۆفى پاريزگار هه‌ولێر ئه‌نجام داگه و له‌تى چه‌ن برياريگ ده‌ركرياگه ئه‌را روێ وه‌ڕوێ بوينه‌وه‌ى ڤايرۆس كۆرۆنا، له‌وانه‌يش: رێگه‌داين وه وازكردن بانكه‌يل ئه‌هلى له هه‌فته‌يگ دو رووژ ك ئه‌ويش رووژه‌يل يه‌كشممه و چوارشه‌ممه له سه‌عات 8 شه‌وه‌كى تا سه‌عات 1 دوياى نيمه‌ڕوو وه‌و مه‌رجه زياتر له په‌نج كارمه‌ند له‌تى نه‌ون ئه‌را وه‌ڕيخستن كاره‌يل.
به‌ياننامه‌گه هه‌ميش وت: بانكه‌گه ئه‌تويه‌نێد سه‌ياره‌يگيش بارێده كار ك باج تايبه‌ت داشتوود له قايمقاميه‌ت و باس له‌وه‌يش كرد نويسينگه‌ى هه‌واڵه‌يليش ك كار ئه‌كه‌ن له‌ده‌يشت جاده‌ى 60 مه‌ترى له وه‌خته‌يل دياريكرياى واز ئه‌كه‌ن له سه‌عات 10ى شه‌وه‌كى تا 3ى ئيواره.
