هه‌ولێر دوياى تۆماركردن چه‌ن حاڵه‌تيگ تويشبوين وه كۆرۆنا دو كه‌مپ ئاواره‌يل به‌سا
2020-04-27T19:51:09+00:00
شه‌فه‌ق نيوز/ دلۆڤان محه‌مه‌د وه‌ڕيه‌وبه‌ر ته‌ندروستى هه‌ولێر، ئاشكراى داخستن دو كه‌مپ ئاواره‌يل كرد دوياى تۆماركردن چه‌ن حاڵه‌تيگ تويشبوين وه ڤايرۆس كۆرۆنا له‌تيان.
له‌و باوه‌ته‌و، محه‌مه‌د ئه‌را شه‌فه‌ق نيوز وت: دوياى تۆماركردن حاڵه‌ته‌يل تويشبوين وه كۆرۆنا له هه‌ردوگ كه‌مپ"دار شه‌كرانه" و "قوشته‌په" و كۆمه‌ڵگه‌ى "ته‌لار ستى"، بريار دريا دابخريه‌ن و باس له‌وه‌يش كرد حاڵ حازر تيمه‌يل پزيشكى له‌ورا وجوود ديرن له‌وه‌ر ئه‌نجامداين وشكانن تاقيگايى.
جى باسه، محه‌مه‌د هه‌ميش وت: له‌وه‌ر زانستن ده‌رئه‌نجامه‌يل وشكاننه‌يليش هه‌وه‌جه وه سێ رووژ ديرێم و دوياى ئه‌وه بڕيار ئه‌يه‌يم له‌باره‌ى كه‌ره‌نتينه‌كردن ته‌ندروستى له‌بان هه‌ردوگ كه‌مپه‌گه.
